Credit score : तुमचा क्रेडिट स्कोअर कसा ठरवला जातो? तुम्ही कर्ज घेण्याचा विचार करत असाल तर || Credit score: How is your credit score determined? If you are considering taking a loan

Credit score :- सध्याच्या काळात महागाई (inflation) एवढी वाढली आहे की मोठे खर्च करण्यासाठी केवळ बचतीवर अवलंबून राहू शकत नाही. घर खरेदी करताना किंवा बांधताना, कार खरेदी करताना, शिक्षणासाठी, वैद्यकीय आणीबाणीच्या परिस्थितीत लोकांना बँकेतून किंवा इतर कोणत्याही ठिकाणाहून कर्ज घ्यावे लागते.

तुम्ही देखील कर्ज घेण्याचा विचार करत असाल तर तुमच्यासाठी चांगला क्रेडिट स्कोअर (Credit score) असणे खूप महत्वाचे आहे. तुमचा क्रेडिट स्कोअर तुम्हाला कर्ज द्यायचे की नाही किंवा किती कर्ज द्यायचे हे ठरवते.

थोडक्यात कर्ज घेण्यासाठी तुमची पात्रता ठरवण्यात तुमचा क्रेडिट स्कोअर मोठी भूमिका बजावतो. तुम्हीही कर्ज घेण्याची तयारी करत असाल तर तुम्हाला क्रेडिट स्कोअरशी संबंधित या गोष्टी माहित असणे आवश्यक आहे.

क्रेडिट स्कोअर कसा ठरवला जातो || How Credit Score is Determined

क्रेडिट स्कोअरला सिबील (CIBIL) स्कोअर असेही म्हणतात. CIBIL स्कोअर व्यक्तीच्या क्रेडिट रेकॉर्डच्या अहवालाच्या आधारे तयार केला जातो.क्रेडिट स्कोअर ठरवताना तुम्ही आतापर्यंत किती कर्ज घेतले आहे, ते वेळेवर फेडले आहे की नाही, कोणत्या बँक किंवा इतर कर्ज देणार्‍या कंपन्यांकडून कर्ज किंवा क्रेडिट कार्ड घेतले आदी कर्जाशी संबंधित सर्व गोष्टींचा विचार केला जातो.

तुमचा क्रेडिट स्कोअर जितका जास्त असेल तितके सहजपणे तुम्हाला कर्ज मिळते.

कोण ठरवते स्कोअर || Who decides the score

सर्व क्रेडिट ब्युरो तुमचा क्रेडिट स्कोअर जारी करतात. यामध्ये TransUnion CIBIL, Equifax, Experian आणि CRIF Highmark सारख्या क्रेडिट माहिती कंपन्यांचा (credit information company) समावेश आहे. या कंपन्यांना लोकांचा आर्थिक डेटा एकत्र करणे, त्यावर देखरेख ठेवणे, या डेटावर आधारित क्रेडिट रिपोर्ट, क्रेडिट स्कोअर गोळा करणे यासाठी परवाना दिलेले असतो.

क्रेडिट स्कोअर 300 ते 900 दरम्यान निश्चित केलेला असतो. साधारणपणे 750 च्या वर चांगला स्कोअर मानला जातो.

क्रेडिट स्कोर नसणे चांगले नाही || No credit score is good

असे बरेच लोक आहेत ज्यांनी कधीही कर्ज घेतले नाही किंवा ते क्रेडिट कार्ड वापरत नाहीत. अशा परिस्थितीत कर्जाशी संबंधित कोणताही इतिहास नसल्यामुळे त्यांना सहज कर्ज मिळेल असे वाटते. पण तुमचा अंदाज चुकीचा आहे.

तुम्ही कोणतेही कर्ज घेतले नसेल आणि तुमच्याकडे क्रेडिट कार्ड नसेल, तर तुम्हाला कर्जाच्या बाबतीत जोखीम श्रेणीत ठेवायचे की नाही क्रेडिट कंपन्यांना ठरवता येत नाही. त्यामुळे तुमचा कोणताही क्रेडिट स्कोअर नसतो.तुमच्याकडे क्रेडिट स्कोअर नसल्यास अनेक वित्तीय संस्था तुम्हाला कर्ज देण्यास कचरतात.

क्रेडिट स्कोअर कसा सुधारायचा || How to Improve Credit Score

जितका हप्ता तुम्ही वेळेवर भरू शकता तेवढेच कर्ज घ्या. वेळेवर EMI भरा. क्रेडिट कार्डचा अतिवापर टाळा आणि जास्त वैयक्तिक कर्ज घेऊ नका. गरज असेल तेव्हाच कर्ज घ्या. तुमच्या कर्जाची हमी देणार्‍या व्यक्तीवरही लक्ष ठेवा.

याचे कारण म्हणजे त्या व्यक्तींच्या चुकीच्या व्यवहारांचा तुमच्या स्कोअरवरही परिणाम होतो.

Leave a Comment